પલસાણા તાલુકાનાં જોળવા ગામના પાટિયા નજીક એક ટ્રક ચાલકે રાહદારીને અડફેટે લેતા અકસ્માત સર્જાયો હતો. આ અકસ્માતમાં રાહદારીનું ઘટના સ્થળે જ મોત નીપજ્યું હતું.

કડોદરાથી બારડોલી તરફ જતા હાઇવે ઉપર પલસાણા તાલુકાના જોળવા ગામની ચોકડી નજીક બપોરના સમયે એક રાહદારી જોળવા ગામમાં જવા માટે રોડ ઓળંગી રહ્યો હતો. તે સમય દરમિયાન કડોદરાથી બારડોલી તરફ પૂરઝડપે હંકારી આવેલ એક ટ્રક નંબર યુપી/21/બીએન/6043ના ચાલકે અજાણ્યા રાહદારીને અડફેટે લેતા અકસ્માત સર્જાયો હતો. આ અકસ્માતમાં રાહદારીનું ઘટના સ્થળે જ મોત નીપજ્યું હતું. આ ઘટના બનતાની સાથે જ બાજુમાં જોળવા પોલીસ ચોકી હોવાથી ત્યાં ફરજ બજાવતા પોલીસ કર્મીઓ દોડી આવ્યા હતા અને ટ્રક ડ્રાઇવર તેમજ ક્લીનરને ઝડપી પાડ્યા હતા અને મૃતદેહ ઉપર કબ્જો મેળવીને પોસ્ટમોટર્મ અર્થે ખસેડાયો હતો. ત્યારબાદ ટ્રક ચાલક વિરુદ્ધ ગુનો દાખલ કરી આગળની કાર્યવાહી હાથ ધરી હતી.