સુરત શહેરના અમરોલીના કોસાડ રોડ પર કોસ્મેટિક વસ્તુઓની ટેમ્પામાં ડીલેવરી કરવા જતી વખતે ટેમ્પો પલટી જતા સર્જાયેલા અકસ્માતમા ઈજા પામેલા બે યુવકો પૈકી ડીલેવરી બોયનું મોત નીપજ્યું હતુ.

 

 

 

પાંડેસરા વિસ્તારમાં રહેતો 18 વર્ષીય આનંદ વસાવા બપોરે શિવલાલ યાદવ સાથે ટેમ્પામાં બેસીને કોસાડ રોડ ઉપર કોસ્મેટિકની વસ્તુઓની ડીલેવરી કરવા માટે વિવિધ જગ્યાએ જતા હતા. 

 

 

 

તે સમયે કોસાડ રોડ ઉપર રજવાડી પાર્ટી પ્લોટ પાસે ટેમ્પો પલટી થતા અકસ્માત સર્જાયો હતો. જેમાં બંનેને ઇજા થતાં સારવાર માટે ખાનગી હોસ્પિટલમાં ખસેડાયા હતા જ્યાં ગંભીર ઈજા પામેલા આનંદનું ટૂંકી સારવાર દરમિયાન મોત નીપજ્યું હતું. આ અંગે અમરોલી પોલીસે ગુનો નોંધી આગળની તપાસ હાથ ધરી હતી.