સુરત જીલ્લાનાં બારડોલી તાલુકાનાં વાંકાનેર ગામની સીમમાં અજાણ્યા વાહન ચાલકે એક  અજાણ્યા પુરુષને અડફેટે લેતા તેનું સારવાર દરમ્યાન મોત નીપજયું હતું.

બારડોલી વાલોડ સ્ટેટ હાઇવે ઉપર વાંકાનેર ગામની સીમમાંથી પસાર થતાં રોડ ઉપરથી એક અજાણ્યો પુરુષ (ઉ.વ.50 થી 55) વર્ષનો પસાર થઈ રહ્યો હતો. આ પુરુષને કોઈ અજાણ્યા વાહનના ચાલકે અડફેટે લેતા તેને શરીરે ગંભીર ઇજા પહોંચી હતી. આ અકસ્માત બાદ પુરુષને સારવાર માટે હોસ્પિટલમાં ખસેડવામાં આવ્યો હતો જ્યાં સારવાર દરમિયાન તેનું  મોત નીપજયું હતું. આ બનાવ અંગે પોલીસે અજાણ્યા પુરુષનો મૃતદેહ મેળવી તેના વાલીવારસની શોધખોળ હાથ ધરી હતી.