સુરતનાં માંડવી તાલુકાનાં તડકેશ્વર ગામની સીમમાં રામોજી વેફર્સ કંપનીના કુલર ગેટની સામે આવેલ વાડીમાં બનાવેલ પાણીની કુડીમાં પડતાં ડૂબી જવાથી આધેડનું મોત નીપજયું હતું. સુત્રો પાસેથી મળતી માહિતી અનુસાર, માંડવી તાલુકાનાં તડકેશ્વર ગામની સીમમાં દર્શન બોર્ડ લેમ પ્રા.લિ કંપનીના રૂમમાં રહેતા અને મૂળ છોટાઉદેપુર જિલ્લાના કેલધરા ગામના વતની ચીમનભાઈ કુવરીયાભાઈ રાઠવા રહેતા હતા.

જોકે તેઓ ગત તા.10 મે ના રોજ રામોજી વેફર્સ કંપનીના કુલર ગેટની સામે આવેલ વાડીમાં બનાવેલ પાણીની પાકી કુંડીમાં અકસ્માત રીતે પડી જતા પાણીમાં ડુબી જવાથી તેમનું મોત નીપજયું હતું. બનાવ અંગે માંડવી પોલીસે અકસ્માત મોતનો ગુનો નોંધી આગળની કાર્યવાહી હાથ ધરી છે.