સુરત શહેરના પુણા વિસ્તારમાં લક્ઝરી બસના ચાલકે સ્ટેરીંગ પરનો કાબુ ગુમાવતા બસ ડિવાઈડર પર ચડી જતા ફુટપાથ પર સુતેલા શ્રમજીવી ઇજાગ્રસ્ત થયા હતા. જે પૈકી એકનું મોત થયું હતું.

લાલ દરવાજા તરફથી આવી રહેલી ઓમ સાંઈ રામ લખેલી લક્ઝરી બસ નંબર જીજે/05/ઝેડ/1402નાં  ચાલકે સ્ટેરીંગ પરનો કાબૂ ગુમાવતા બસ ડિવાઇડર પર ચડી જતા ફૂટપાથ પર સુતેલા શ્રમજીવીઓ પર ટાયર ચડી જતા ત્રણથી ચાર શ્રમજવીઓ ઇજાગ્રસ્ત થયા હતા. જે પૈકી એકને ગંભીર ઇજા થતા તેનું ઘટના સ્થળે મોત નીપજયું હતું. ત્યારબાદ બસ ચાલક ઘટના સ્થળે બસ મૂકીને નાસી ગયો હતો. આ ઘટનાની જાણ થતા પોલીસ ઘટના સ્થળે દોડી આવી હતી.