સુરતનાં ઉમરપાડા તાલુકાનાં સલ્લી ગામે રહેતા વૃદ્ધ બીડી પી રહ્યા હતા તે સમયે બીડીના તણખા તેમના કપડાં ઉપર પડતાં આગ લાગતા તેઓ શરીરે દાઝી જતાં તેનું સારવાર દરમિયાન મોત નીપજયું હતું. સુત્રો પાસેથી મળતી માહિતી અનુસાર, ઉમરપાડાનાં સલ્લી ગામે નિશાળ ફળીયામાં રહેતા શેરીયાભાઇ વાડગીયાભાઇ વસાવા (ઉ.વ.70) નાઓને બીડી પીવાની ટેવ હોય તેઓ પોતાના ઘરની બાજુમાં આવેલ પજારીમાં બેસી બીડી પી રહ્યા હતા. તે સમયે બીડીના તણખા તેમના કપડાં ઉપર પડતાં  આગ લાગી હતી અને તેઓ આખા શરીરે દાઝી ગયા હતા જોકે તેની પ્રથમ સારવાર ઉમરપાડા સરકારી દવાખાને કરાવ્યા બાદ વધુ સારવાર માટે નવિ સિવિલ હોસ્પિટલ સુરત ખાતે દાખલ કરવામાં આવ્યા હતા જ્યાં તેમનું મોત નીપજયું હતું. બનાવ અંગે ઉમરપાડા પોલીસે આગળની કાર્યવાહી હાથ ધરી હતી.