સુરત જિલ્લાના માંડવી તાલુકાનાં કરવલી ગામની સીમમાં એક ખેતરમાં આવેલ બંગલીમાં સૂતેલા વૃદ્ધના હાથમાં ઝેરી સાપે ડંખ મારતા તેનું મોત નીપજયું હતું.

મળતી માહિતી મુજબ, માંડવીનાં ગોડસંબા ગામે કોલોની ફળિયામાં રહેતા કાનજીભાઇ ભીખાભાઇ રાઠોડ (ઉ.વ.૬૦) જે કરવલી ગામની સીમમાં નદી ફળિયામાં આવેલ કિશોરભાઈ લાડના ખેતરમાં બંગલીમાં સૂતા હતા. તે દરમિયાન ઝેરી સાપે તેમના હાથમાં ડંખ મારતા સારવાર માટે લઈ જવામાં આવ્યા હતા. જ્યાં તેમનું મોત નીપજયું હતું. બનાવ અંગે માંડવી પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.