સુરત જિલ્લા ક્રાઇમ બ્રાન્ચના અલ્તાફભાઈ ગબરૂભાઈ નાઓને મળેલી બાતમી આધારે પલસાણા તાલુકાના ચલથાણ આવેલ અંબિકા નગરના એક એપાર્ટમેન્ટના ફ્લેટમાં રહેતા કિશોરના ફ્લેટની તપાસ કરતા ફ્લેટ માંથી અલગ-અલગ 5 જેટલા થેલા મળી આવ્યા હતા અને જેમાં ચેક કરતા થેલા માંથી અલગ-અલગ બ્રાન્ડની 213 નંગ વિદેશી દારૂની બોટલો મળી આવી હતી. જયારે પોલીસે કાયદાના સંઘર્ષમાં આવેલા કિશોરને પૂછપરછ કરતા કિશોરે જણાવ્યું હતું કે, દમણથી એક ઈસમે તેને આ દારૂ થેલામાં ભરી આપ્યો હતો જે બાદ અલગ-અલગ વાહનો દ્વારા તે અહીં આવ્યો અને અહીંથી સુરત સહારા દરવાજા ખાતે રહેતી સુમનબહેન નામની મહિલાને આપવાનો હતો. આમ, પોલીસે કિશોર પાસેથી દારૂ અને મોબાઈલ મળી 24,400/-નો મુદ્દામાલ કબ્જે કર્યો હતો અને કિશોરને બાળ સુધારણા ગૃહમાં મોકલી આપી દારૂ આપનાર અને મંગાવનાર બંનેને વોન્ટેડ જાહેર કરી આગળની કાર્યવાહી હાથ ધરી હતી.