સુરત જિલ્લાના પલસાણા તાલુકાના વરેલી ગામે બોગસ ડોક્ટરો ગેરકાયદેસર રીતે દવાખાનુ ખોલી લોકોના સ્વાસ્થ્ય સાથે ચેડા કરતા કરતા હોવાની બાતમી એસઓજીની ટીમને મળતા તેમણે રેઇડ કરી એક બોગસ ડોક્ટરને ઝડપી પાડ્યો છે.

સુત્રો પાસેથી મળતી માહિતી અનુસાર, પલસાણા તાલુકાના વરેલી ગામે એક બોગસ ડોક્ટર દ્વારા ગુજરાત મેડીકલ જનરલ પ્રેક્ટીસ કરવાના લાઇસન્સ, ઇન્ડીયન મેડીસીન કાઉન્સીલ તથા ગુજરાત મેડીસીન કાઉન્સીલના નોધણી પ્રમાણપત્ર વગર ડોક્ટર તરીકેની પ્રેક્ટીસ કરી લોકોના સ્વાસ્થ સાથે ચેડા કરતો હોવાની બાતમી સુરત જિલ્લા ઓસઓજીની ટીમને મળી હતી. એસઓજીની ટીમે વરેલી ગામે વ્રજધામ સોસાયટીની દુકાન નંબર-૩માં ગેરકાયદેસર રીતે દવાખાનું ચલાવતો વિનોદકુમાર બ્રીજ નંદન મીશ્રા જે  ધોરણ-૧૨ પાસ સુધીનો અભ્યાસ કર્યો હોવા છતા ગેરકાયદેસર રીતે દવાખાનુ ખોલી લોકોના સ્વાસ્થ સાથે ચેડા કરતો હોવાથી પોલીસે તેને મેડીકલ સાધન સામગ્રી તેમજ દવાઓ મળી કુલ ૯૧૨૩ રૂપીયાના મુદ્દામાલ સાથે ઝડપી પાડી ગુનો નોંધી આગળની કાર્યવાહી હાથ ધરી હતી.