બારડોલીના રેલ્વે સ્ટેશન નજીક યાર્ડમાં ગુડ્સ ટ્રેનની અડફેટમાં આવી જતાં અજાણી મહિલાનું મોત થયું હતું. 
 

સુત્રો પાસેથી મળતી માહિતી અનુસાર, બારડોલી રેલ્વે સ્ટેશનની પશ્ચિમે આવેલ યાર્ડમાં કિમી નંબર 26/21-23ની વચ્ચે 55 વર્ષીય એક મહિલા ગુડ્સ ટ્રેનની અડફેટે આવી ગઈ હતી. તેણીને માથામાં અને હાથે પગે ગંભીર ઇજા થતાં મોત થયું હતુ. મૃતકના વાલીવારસ મળી આવ્યા ન હોય પોલીસે શોધખોળ શરૂ કરી છે. પોલીસના જણાવ્યા અનુસાર મૃતક મહિલા પાતળા બાંધાની, રંગે ઘઉંવર્ણની, ઊંચાઈ આશરે 5ફૂટ 4 ઇંચ, શરીરે ગુલાબી-કેસરી-લીલા રંગની ડિઝાઇન વાળી સાડી તથા ગુલાબી રંગનો બ્લાઉઝ પહેરેલ છે.