સુરત જીલ્લાના માંડવી તાલુકાના પીપરીયા ગામેથી ચાર વર્ષીય દીપડો પાંજરે પુરાયો હતો. પીપરીયા વિસ્તારમાંથી દીપડો પાંજરે પુરતા વનવિભાગની ટીમે દીપડાનો કબ્જો મેળવી તેને જંગલમાં છોડવાની કામગીરી હાથ ધરી હતી.

પીપરીયા ગામ વિસ્તારમાં અવાર-નવાર દીપડાઓ નજરે પડી રહ્યા છે. દીપડાઓ નજરે પડતાં ગ્રામજનોમાં સતત ભયનો માહોલ જોવા મળે છે. થોડા દિવસ અગાઉ જ દીપડો નજરે પડતાં માંડવી વનવિભાગની ટીમે પીપરીયા ગામે ગૌચરની જમીનમાં પાંજરું ગોઠવ્યું હતું. જે પાંજરામાં ચાર વર્ષીય દીપડો પાંજરે પુરાયો હતો. આ ઘટના અંગેની જાણ વનવિભાગને થતા ટીમે દીપડાનો કબજો લઇ ગાઢ વનક્ષેત્રમાં છોડવાની કામગીરી હાથ ધરી હતી.