ઉમરપાડા તાલુકાના શરદા ગામમાં રહેતા દિલીપભાઈ વસાવા પોતાના ખેતરમાં જ ઘર બનાવીને વસવાટ કરે છે, જયારે બપોરે આવેલ વાવાઝોડા દરમિયાન શરદા ગામની નજીક વીજ લાઈન ઉપર ઝાડ પડી જતા વીજ વાયરો નીચે પડી ગયા હતા. આ જીવંત વીજ વાયરમાં વીજ પ્રવાહ ચાલુ હતો. તે દરમિયાન દિલીપભાઈની 6 વર્ષીય દીકરી કિંજલ રમતી રમતી ખેતરમાં પહોંચી હતી. ત્યારે કિંજલનો પગ ભૂલમાં જીવંત વીજ વાયર પર પડી જતાં વીજ કરંટ લાગવાથી કિંજલનું કરૂણ મોત નિપજયું હતું.

 

 

 

આ ઘટનાની જાણ તેના માતા પિતા અને પરિવારજનોને થતાં તેઓ ઘટના સ્થળે દોડી આવ્યા હતા તેમજ ગામના લોકોને જાણ થતાં ગ્રામજનો પણ દોડી આવ્યા હતા.

 

 

 

આ બના અંગે પરિવાર દ્વારા ઉમરપાડા પોલસને ઘટનાની જાણ કરવામાં આવતા ઉમરપાડા પોલીસ ઘટના સ્થળે દોડી આવી હતી અને અકસ્માત મોતનો ગુનો નોંધી આગળની કાર્યવાહી શરૂ કરી હતી.