વડોદ આવાસમાં બપોરએ 11 વર્ષના તરૂણની લાકડાના ફટકા મારી હત્યા થયેલી લાશ મળી આવતા પાંડેસરા પોલીસ દોડતી થઇ ગઇ છે. તરૂણની હત્યા તેના મિત્રોએ જ કરી હોવાનું ચર્ચાય રહ્યું છે.

બપોરના સમયે વડોદ ગામના સરસ્વતી આવાસમાંથી 11 વર્ષીય તરૂણની હત્યા કરવામાં આવી હતી. પોલીસને જાણ થતા પાંડેસરા પીઆઇ સહિતના અધિકારીઓ  ઘટના સ્થળે પહોંચી ગયા હતા.

પોલીસની પ્રાથમિક તપાસમાં આવાસમાં રહેતા મિત્રો સાથે રમત રમતમાં થયેલા ઝઘડામાં લાકડાના ફટકા મારી તરૂણને મોતને ઘાટ ઉતારવામાં આવ્યો હોવાનું બહાર આવ્યું છે. પોલીસે તરૂણી હત્યાનો ગુનો નોંધી કાયદેસર રીતે આગળની કાર્યવાહી હાથ ધરી છે.