સુરતના કડોદરામાં આવેલ બિલ્ડીંગના પહેલા માળેના દીવાલ ઉપર બેસી ફોન પર વાત કરી રહ્યો હતો તે સમયે અચાનક નીચે પડી જતાં તેને માથાના ભાગે ઇજા પહોંચતા મોત નીપજ્યું હતું. બનાવ અંગે પોલીસે તપાસ હાથ ધરી હતી. સુત્રો પાસેથી મળતી માહિતી અનુસાર, પલસાણાનાં કડોદરા ખાતે શાંતિનગરમાં આવેલ બિલ્ડીંગમાં રૂમ નંબર-3માં ભાડેથી રહેતા પ્રદીપ રામાનંદ ઠાકુર (ઉ.વ.35) કે જે ગતરોજ મોડી સાંજે બિલ્ડીંગના પહેલા માળે દીવાલ પર બેસી ફોન ઉપર વાતચીત કરી રહ્યો હતો. તે સમયે તે અચાનક નીચે પટકાયો હતો. આ ઘટનામાં તેને માથાના ભાગે ગંભીર ઇજા પહોંચતા મોત નીપજયું હતું. બનાવ અંગે કડોદરા પોલીસે અકસ્માત મોતનો ગુનો નોંધી આગળની વધુ તપાસ હાથ ધરી હતી.