સુરતના કામરેજ વિસ્તારમાં રહેતી મહિલા હેતલબેન દિલીપભાઈ પરમાર જે બાપાસીતા-રામ ચોકની બાજુમાં આવેલા આરાધ્યા ઓટો ગેરેજ નામની દુકાન ચલાવી પોતાનું પરિવારનું ગુજરાન ચલાવે છે ત્યારે મોડી સાંજે તેની મોટી બહેન પૂનમબેન અને તેમના જીજાજી ગેરેજ પાસે આવેલા ચાંદની બ્યુટી પાર્લરમાં કામ અર્થે આવ્યા હતા. તે સમયે પુનમબેન બ્યુટી પાર્લરમાંથી કામ પતાવી પરત ફરતી વેળા પુનમબેન રોડની સામેના છેડે ઉભેલા પોતાના ભાઈને જોતા જેમણે મળવા માટે રોડ ક્રોસ કરીને જઈ રહ્યા હતા.

 

 

 

તે દરમિયાન કામરેજ ચાર રસ્તા તરફથી આવી રહેલી ટ્રક નંબર જીજે/05/વાય/7438નાં ચાલક પુરઝડપે અને ગફલતભરી રીતે હંકારી લાવી પુનમબેન ને અડફેટે લેતા તેમનું ઘટના સ્થળે જ મોત નીપજ્યું હતું. ટ્રક ચાલક અકસ્માત સર્જી ટ્રક મુકીને ભાગી ગયો હતો.

 

 

 

આ ઘટનાની જાણ થતા કામરેજ પોલીસ ઘટના સ્થળ પર દોડી આવી હતી અને ટ્રક ચાલક વિરુદ્ધ ગુનો નોંધી આગળની કાર્યવાહી હાથ ધરી હતી.