સુરત ગ્રામ્ય એલ.સી.બી. પોલીસને મળેલ બાતમીના આધારે, બારડોલી પલસાણા નેશનલ હાઈવે ઉપરના મીંઢોળા ઓવરબ્રીજ પાસે વોચ ગોઠવી ઉભેલી પોલીસે નંદુરબારથી વાયા વ્યારા, બાજીપુરા, બારડોલી રસ્તા પરથી સુરત જવા નીકળેલ ટાટા નેનો કાર નંબર જીજે/19/એએ/1304ને આવતા જોઈ પોલીસે કારને ઉભી રાખી કારની તપાસ હાથ ધરતા કારમાંથી વિદેશી દારૂની નાની-મોટી 502 નંગ બોટલો મળી આવી હતી, જેની કીંમત રૂપિયા 41,500/-નો જથ્થો મળી આવ્યો હતો.

પોલીસ ટીમે ચાલક સુરજ રાજેન્દ્રભાઈ મિસ્ત્રીની અટક કરી રોકડ રૂપિયા 720/- તથા વાહનની કીંમત રૂપિયા 50 હજાર મળી કુલ રૂપિયા 92,220/-નો મુદ્દામાલ જપ્ત કરી જરૂરી કાર્યવાહી સાથે વધુ તપાસ બારડોલી પોલીસ મથકે સુપ્રત કરી હોવાનું જાણવા મળે છે.