સુરતના ભરીમાતા રોડ પર સવારે બે ઝૂપડામાં આગ ફાટી નીકળતા અફરાતફરીનો માહોલ સર્જાઈ ગયો હતો. ફાયર સૂત્રો પાસેથી મળેલી વિગત મુજબ, ભરીમાતા રોડ પર પાલીયા ગ્રાઉન્ડ જીલાની બ્રિજ નીચે આજરોજ સવારે અચાનક એક ઝૂંપડામાં આગ ફાટી નીકળી હતી જેને લીધે તેની બાજુમાં આવેલા બીજું ઝુપડું પણ આગની ઝપેટમાં આવ્યું હતું જેના લીધે ત્યાંના સ્થાનિક લોકોમાં ભારે ભાગદોડ થઈ જવા પામી હતી.

આ અંગે ફાયર બ્રિગેડને જાણ થતા ફાયર ઓફિસર દિનુ પટેલ અને ફાયર જવાનો સાથે કતારગામ અને મુગલીસરા ફાયર સ્ટેશનની ગાડીઓ ઘટના સ્થળે ધસી આવી ફાયર જવાનોએ સતત પાણીનો છંટકાવ કરતા આગ ફેલાવતા રોકી દીધી હતી અને ભારે જહેમત બાદ આગ ઉપર કાબુ મેળવ્યો હતો જેના લીધે આસપાસના 4 થી 5 ઝૂંપડાઓ બચાવી લીધા હતા. જોકે, આગને લીધે ઝૂપડામાં મુકેલો સામાન સહિતની ચીજવસ્તુઓ નુકસાન થયું હતું. પરંતુ સદનસીબે આ બનાવમાં કોઇપણ પ્રકારની જાનહાનિ થઈ નહીં હોવાનું ફાયર સૂત્રોએ જણાવ્યું હતું.