સુરતનાં વરાછા રોડ પર બોમ્બે માર્કેટ પાસે કાપડ યુનિટમાં મોડીરાત્રે અચાનક આગ લાગી જતા ભાગદોડનો માહોલ સર્જાઈ ગયો હતો.

 

 

 

સુત્રો પાસેથી મળતી માહિતી અનુસાર, વરાછા રોડ પર બોમ્બે માર્કેટ પાસે અર્ચના સ્કૂલ નજીક વિવેકાનંદ સોસાયટીમાં કાપડ યુનિટમાં મોડીરાત્રે ઈલેક્ટ્રીક શોર્ટ-સર્કિટ થતા આગ ફાટી નીકળી હતી જેના લીધે આસપાસના લોકો બહાર દોડી આવ્યા હતા.

 

 

 

આ ઘટના અંગે ફાયર-બ્રિગેડને જાણ કરાતા ફાયર-બ્રિગેડનો કાફલા સાથે ઘટના સ્થળે દોડી આવ્યા હતા. ત્યારબાદ ડુંભાલ અને કાપોદ્રા ફાયર સ્ટેશનની ગાડી પહોંચી ગઈ હતી અને સતત પાણીનો છંટકાવ શરૂ કર્યો હતો જેના કારણે આગ નહીં ફેલાતા આસપાસના મકાનો પણ બચી ગયા હતા. જોકે, બે કલાક સુધી ફાયર જવાનોએ ભારે જહેમત ઉઠાવતા આગ કાબૂમાં લીધી હતી. પરંતુ, આ આગમાં ફર્નિચર, સિલાઈ મશીન, સાડીનો જથ્થો, ચણીયા ચોલી, પંખો વાયરીંગ સહિતની ચીજવસ્તુઓને નુકસાન થયું હતું આ બનાવમાં કોઇપણ પ્રકારની જાનહાનિ થઈ નહી હોવાનું ફાયર સૂત્રોએ જણાવ્યું હતું. (ફાઈલ ફોટો)