સુરતનાં પલસાણા તાલુકાનાં ચલથાણ નવા હળપતિવાસ ખાતે રહેતી વૃદ્ધા ઘરેથી નીકળ્યા બાદ પરત  નહીં ફરતા પરિવારજનોએ કડોદરા પોલીસ સ્ટેશનમાં જાણ કરી હતી. સુત્રો પાસેથી મળતી માહિતી અનુસાર, પલસાણા તાલુકાનાં ચલથાણ ખાતે નવા હળપતિવાસ (મરઘાફાર્મ)માં રહેતા ભાનુબેન શરદભાઈ રાઠોડ (ઉ.વ.62) કે જેઓ ઘરેથી ચલથાણ વિજયનગરમાં જાઉં છું કહી નીકળ્યા બાદ ઘરે પરત નહીં ફરતા પરિવારજનોએ તેની શોધખોળ શરૂ કરી હતી પરંતુ તેમણી કોઈ ભાળ મળી ન હતી.તેઓ શરીરે મજબુત બાંધાની રંગે શ્યામ વર્ણની છે. જેની ઉંચાઈ આશરે પાંચ ફુટની છે તથા શરીરે લાલ કલરની સાડી પહેરેલ અને કમરે જાખો ગુલાબી કલરનો ચણીયો પહેરેલ છે તથા સિલ્વર કલરનુ જેકેટ પહેરેલ છે અને હાથમાં પીળા કલરની કાપડની થેલી છે. બનાવ અંગે પરિવારજનોએ કડોદરા પોલીસ મથકે તેમના ગુમ થવા અંગે ફરિયાદ નોંધાવી હતી.