વરાછામાં પંચરત્ન ટાવર પાસે શાંતીવન સોસાયટીમાં રહેતા અલ્પેશભાઈ લાલજીભાઈ સોરઠીયા(ઉ.વ.42) ઘરમાં કોઈ અગમ્ય કારણસર ડિપ્રેશનમાં રહેતા હોવાથી ગળે ફાંસો ખાઈ પોતાનું જીવન ટુંકાવ્યું હતું. ત્યારબાદ તેના પરિવારના સભ્યોની નજર પડતા તેને નીચે ઉતારી સારવાર માટે ખાનગી હોસ્પિટલમાં લઈ ગયા હતા. જ્યાં ફરજ પરના તબીબીએ અલ્પેશભાઈને  મૃત જાહેર કર્યા હતા. અલ્પેશભાઈ મૂળ ભાવનગરના વતની હતા અને તેને એક સંતાન છે તે હીરાના કામ સાથે સંકળાયેલા છે. આ બનાવ અંગે વરાછા પોલીસે ગુનો નોંધી તપાસ હાથ ધરી હતી.