સુરત શહેરના અમરોલીના કોસાડ આવાસમાં રહેતા 40 વર્ષીય દિનેશ રામચંદ્ર ગોડ (મૂળ રહે.રતલામ,એમ.પી) સવારે વરાછા રોડ પર માતા નગર પાસે શિવ નગરમાં ચોથા માળે મકાનનું નાનું-મોટું રીપેરીંગ કામ કરતા હતા.

તે સમયે અચાનક તે નીચે પટકાતા ગંભીર ઇજા થઇ હતી. જેથી તેને સારવાર માટે 108ની મદદથી સ્મીમેર હોસ્પિટલમાં ખસેડાયા હતા જ્યાં ફરજ પરના તબીબી એ તેને મૃત જાહેર કર્યા હતા. આ બનાવ અંગે વરાછા પોલીસે ગુનો નોંધી તપાસ હાથ ધરી હતી.