ઉમરપાડા તાલુકાના ઉચવાણ ગામે કાર ચાલકે બાઈક સવારને અડફેટે લેતા ઘટના સ્થળે જ તેનું મોત નીપજ્યું હતું.

સુરત સ્થિત વેડરોડ વિસ્તારમાં હીરા ઘસવાનું કામ કરતા દીપક દિનેશભાઈ વળવી બાઈક પર તેના મિત્રો સાથે સવાર થઈ સુરતથી ખેરપાડા ગામે તેના મિત્રના લગ્ન પ્રસંગે હાજરી આપવા ગયા હતા. ત્યાંથી પરત પાછા સુરત જતા ઉમરપાડા તાલુકાના ઉચવાણ ગામની સીમમાં બાઈક રોડની સાઈડમાં ઉભી કરીને દીપકભાઈ દિનેશભાઈ વળવી પેશાબ કરવા રોડ ઉપરથી પસાર થઈ રહ્યા હતા. તે સમયે માંડવી માલધા ફાંટ તરફથી અજાણ્યા ફોર વ્હીલર ચાલકે પોતાનું વાહન પુરઝડપે હંકારી લાવી દીપકભાઈને અડફેટે લેતા દીપક ને  દુર સુધી ઘસડી લઈ જતા તેનું ગંભીર ઈજા સાથે ઘટના સ્થળે જ મોત નીપજ્યું હતું.