માંડવી તાલુકાના વરજાખણ ગામે રહેતો 20 વર્ષીય યુવક અંકિતભાઈ રમેશભાઈ ચૌધરી(મૂળ.કીમડુંગરા) અને જયકુમાર નટવરભાઈ ગામીત સાથે મળી અંકીતભાઈ મઢી કેકની દુકાનથી રાત્રે પલ્સર બાઈક નંબર જીજે/19/એજી/4197 લઈને આવતા હતા. તે દરમિયાન તાપી પુલ પરથી પસાર થતી વેળાએ પુરઝડપે અને ગફલતભરી રીતે હંકારતા બળદ સાથે ધડાકાભેર અથડાતા બંને બાઈક સવારને ઈજા પહોંચી હતી. આથી આસપાસના લોકોએ ભેગા થઈ એમ્બ્યુલન્સને જાણ કરતા બંનેને તાત્કાલિક બારડોલી સરદાર હોસ્પીટલમાં સારવાર અર્થે ખસેડવામાં આવ્યા હતા, જ્યાં સારવાર દરમિયાન અંકીતભાઈ ચૌધરીનું મોત નીપજ્યું હતું અને જયકુમાર ગામીત ને ગંભીર ઈજા થતા સારવાર હેઠળ છે.