અલથાણ પાંડેસરા ખાડી બ્રીજ નજીક કેશવ પાર્ટી પ્લોટમાં દરોડા પાડી ખટોદરા પોલીસે ત્રણ મહિલા સહિત 10ને ઝડપી પાડી દારૂ સહિત રૂપિયા 3.68 લાખનો મુદ્દામાલ કબ્જે કર્યો હતો.

 

 

 

ખટોદરા પોલીસે અલથાણ ખાડી બ્રીજ નજીક કેશવ પાર્ટી પ્લોટમાં દરોડા પાડી દારૂની મહેફિલ માણતા શૈલેષ રમણ પટેલ(ઉ.વ. 40), પ્રતીક અરવિંદ પટેલ(ઉ.વ. 39), વિરલ અર્જુન પટેલ(ઉ.વ. 31), જય ઝવેરભાઇ પટેલ(ઉ.વ. 36), નીલ ધનસુખ પટેલ(ઉ.વ. 23), પુકાર દોલત પટેલ(ઉ.વ. 32) અને પીન્કેશ અરવિંદ પટેલ(ઉ.વ. 34) અને ત્રણ મહિલા સહિત 10ને દારૂની મહેફિલ માણતા ઝડપી પાડયા હતા. 

 

 

 

પોલીસે દારૂની મહેફિલ માણી રહેલા તમામ પાસેથી 9 મોબાઇલ ફોન કિંમત રૂપિયા 3.40 લાખ, રોકડા રૂપિયા 28 હજાર, બિયરના ત્રણ ખાલી અને ત્રણ ભરેલા ટીન, સ્કોચ વ્હીસ્કીની બે બોટલ મળી કુલ રૂપિયા 3.68 લાખનો મુદ્દામાલ કબ્જે કર્યો હતો. 

 

 

 

પોલીસે દારૂની મહેફિલ માનનારા કેશવ પાર્ટી પ્લોટના માલિક પુકાર દોલત પટેલની પુછપરછ કરતા તેણે કબૂલાત કરી હતી કે, સાળાની પત્નીનું શ્રીમંત હોવાથી પાર્ટીનું આયોજન કર્યુ હતું. પાર્ટી માટે સ્કોચ વ્હીસ્કી અને બિયરના ટીન ઉધના રેલવે પટરી પાસેથી અજાણ્યા વ્યક્તિ પાસેથી ખરીદ્યાની કબૂલાત કરી હતી. પોલીસે તમામ વિરુદ્ધ ગુનો નોંધી આગળની કાર્યવાહી હાથ ધરી હતી.