વલસાડ જિલ્લામાં સપ્‍ટેમ્‍બર-૨૦૨૦ દરમિયાન રાષ્‍ટ્રીય પોષણ માસની ઉજવણી કરવામાં આવી રહી છે. આ પોષણ માસ દરમ્‍યાન બાળકના પ્રથમ ૧૦૦૦ દિવસ, એનિમિયા, ઝાડા નિયંત્રણ, હેન્‍ડ વોશ અને સેનિટેશન તથા પોષ્‍ટિક આહાર જેવા પાંચ મુખ્‍ય ઘટકો ઉપર ભાર મુકવામાં આવ્‍યો છે.

આ ઉજવણી દરમિયાન જિલ્લાના આરોગ્‍ય કેન્‍દ્રો ખાતે જિલ્લાના કુપોષિત બાળકોની તપાસ કરવા ઉપરાંત તેમને પોષણયુક્‍ત સુખડીનું વિતરણ કરવામાં આવ્‍યું હતું. બાળકોના વાલીઓને આંગણવાડીઓમાંથી આવતા પોષક આહાર નિયમિતપણે લેવા જણાવ્‍યું હતું.