નવસારી નજીકથી પસાર થતો નેશનલ હાઈવે નંબર-48 પાસે આવેલા સીસોદ્ર ગામના નાયકવાડી વિસ્તારમાં રહેતો 23 વર્ષીય યુવાન મુકેશભાઈ રમેશભાઈ નાયકા  લોકડાઉન પહેલા કબીલપોર પાસે જીઆઈડીસીની એક ખાનગી કંપનીમાં નોકરી કરતો હતો. પરંતુ લોકડાઉન બાદ લાગુ થયેલા અનલોકમાં તેને ફરીથી નોકરી ન મળતા તે હતાશામાં ધકેલાઈ જતા પોતાની ઘરની નજીક આવેલી ચીકુવાડીમાં જઈ ચીકુના ઝાડ ઉપર ગળે ફાસો લગાવી આત્મહત્યા કરી લીધી હતી.

ઝાડ ઉપર યુવાનો લટકતો મૃતદેહ જોઈ સ્થાનિક લોકોએ નવસારી ગ્રામ્ય પોલીસ ને જાણ કરી ત્યાર બાદ પોલીસ ઘટના સ્થળ પર પહોચી લાશનો કબ્જો લઈ સિવિલ હોસ્પિટલ ખાતે પી.એમ. માટે મોકલી આપી હતી. હાલ પોલીસે આ બનાવ અંગે અકસ્માત મોતની નોંધ કરી તપાસ હાથ ધરી છે.(ફાઈલ ફોટો)