સુરત જિલ્લાનાં મહુવા-અનાવલ રોડ પર વલવાડા ગામે ટ્રેક્ટરે બાઈકને અડફેટે લેતાં બુટવાડા ગામની એસ.એસ.સી. બોર્ડની પરીક્ષા આપવા જતી વિદ્યાર્થિનીનું મોત નીપજ્યું હતું. જ્યારે બાઈક ચાલક વિદ્યાર્થિનીનાં પિતાને ઈજા થઈ હતી.

સુત્રો પાસેથી મળતી માહીતી મુજબ, મહુવા તાલુકામાં બુટવાડા ગામે ભવાની ફળીયામાં રહેતા ધીરૂભાઈ નગીનભાઈ પટેલ (ઉ.વ.૬૭) બાઈક પર બુટવાડા ગામેથી તેની પૌત્રી શિવાંસી નિલેષભાઈ પટેલ (ઉ.વ.૧૫)ની ધો.૧૦ની બોર્ડની પરીક્ષા ચાલી રહી હતી અને બુધવારે તેનું અંગ્રેજીનું પેપર હોવાથી સવારે ૯.૧૫ વાગ્યાનાં અરસામાં વલવાડા હાઇસ્કુલમાં મુકવા માટે હતા તે દરમ્યાન વલવાડા ગામે તુલસી કોમ્પલેક્ષ પાસે ટ્રેકટર ટ્રેઇલરનાં ચાલકે ગફલતભરી રીતે હંકારી બાઈકને અડફેટમાં લીધી હતી. આ અકસ્માતમાં ધીરૂભાઈને પગમાં નજીવી ઈજા થઈ હતી જયારે પાછળ બેઠેલી શિવાંસીને માંથાનાં ભાગે ગંભીર ઈજા થતા તેનું સ્થળ પર જ મોત નીપજ્યું હતું. અકસ્માતની જાણ થતાં બુટવાડા ગામમાં તથા વલવાડા હાઇસ્કુલનાં શિક્ષકગણમાં શોકની કાલીમા છવાઈ ગઈ હતી. બનાવ અંગેની ફરિયાદ ધીરૂભાઇ પટેલે મહુવા પોલીસમાં કરતા પોલીસે ગુન્હો નોંધી કાયદેસરની કાર્યવાહી હાથ ધરી હતી.