ઓલપાડ તાલુકાનાં ર૦થી વધુ ગામોમાં સ્ટેટ વિજિલન્સ ટીમે દરોડા પાડી રૂ.૩૧.૪૧ લાખની વીજચોરી ઝડપી પાડી છે. પ્રાપ્ત વિગત મુજબ ગુજરાત ઉર્જા વિકાસ નિગમ લી.ની સ્ટેટ વિજિલન્સ ટીમ મંગળવારે વહેલી સવારે રાજ્યમાં તેમના તાબા હેઠળનાં જુદા-જુદા જિલ્લાની વીજકંપનીનાં અધિકારીઓ સાથે કુલ ૩૮ ટીમ બનાવી પોલીસની ચાર પોલીસ ટીમ સાથે રાંદેર ડિવિઝન તથા ઓલપાડ સબ ડિવિઝનનાં ૨૦થી વધુ ગામોમાં દરોડા પાડયા હતા.

આ ટીમે ૧૩૨૩ વીજ ગ્રાહકોનાં વીજ જોડાણનું ચેકીંગ હાથ ધર્યું હતું. જેમાં ૧૯ વીજ ગ્રાહકો વીજચોરી કરતાં ઝડપાયા હતાં. કેટલીક દુકાનો, વોટર ફિલ્ટર પ્લાન, પોલ્ટ્રી ફાર્મ વગેરે મળી ૧૨ વીજ ગ્રાહકોની ઘરવપરાશનાં ૦૭ ગ્રાહકોની રૂ.૮.૮૦ લાખ મળી કુલ રૂ.૩૧.૪૧ દંડ ફટકાર્યો હતો. ઓલપાડ તાલુકામાં ત્રાટકેલ વિજિલન્સ ટીમે દરોડા દરમ્યાન ઝીંગા તળાવો સહિત અન્ય ઉદ્યોગોને ચેકીંગમાંથી બાકાત રાખતા લોકોમાં આશ્ચર્ય વ્યાપી ગયું છે.