એક ફોટોગ્રાફર વિશે નવલકથા 'ધ સેવન મૂન્સ ઑફ માલી અલ્મેડા' લખવા માટે શ્રીલંકાનાં લેખક શેહાન કરુણાતિલાકાને સોમવારે બુકર પુરસ્કાર મળ્યો. એક રિપોર્ટ મુજબ, આ સમયગાળા દરમિયાન કરુણાતિલકાને અંગ્રેજી ભાષાનો સાહિત્યિક પુરસ્કાર તેમજ કવિન કન્સોર્ટ કૈમીલા તરફથી ટ્રોફી સહિત 50,000 પાઉન્ડનો પુરસ્કાર પણ મળ્યો. કરુણાતિલાકાની આ નવલકથા શ્રીલંકામાં 1990 દરમિયાન ચાલી રહેલા દેશના ગૃહયુદ્ધમાં સમલૈંગિક યુદ્ધ ફોટોગ્રાફર અને જુગારી માલી અલ્મેડા વિશે છે.

જોકે બુકર પુરસ્કારમાં દાવેદારોની આ વર્ષનાં શોર્ટ લિસ્ટમાં બ્રિટિશ લેખક એલન ગાર્નરની ટ્રેકલ વોકર, જિમ્બાબ્વેના લેખક નોવીયોલેટ બુલાવાયોની ગ્લોરી, આયરિશ લેખક ક્લેયર કિગનની સ્મોલ થિંગ્સ લાઈક ધીસ, અમેરિકાના લેખક પારસીવાલ એવરેટની ધ ટ્રીજ પણ હતી. કરુણાતિલકાના પુસ્તક વિશે, ન્યાયાધીશોના પ્રમુખ નીલ મૈકગ્રેગરે જણાવ્યું હતું કે, તે એક આધ્યાત્મિક થ્રિલર છે, ફક્ત વિભિન્ન શૈલીઓની, જીવન, મૃત્યુ, શરીર અને આત્માની વાતોથી વણાયેલી નવલકથા છે.