સોનગઢના રાણીઆંબા ગામના રેલ્વે ફાટક પાસેથી મોપેડ ગાડી ઉપર દારૂની હેરાફેરી કરતા બે યુવકોને જીલ્લા એલસીબીએ ઝડપી પાડી વિદેશીદારૂ અને મોપેડ સહિતનો મુદ્દામાલ કબજે કર્યો હતો.

 

 

 

 

જીલ્લા એલસીબી પોલીસ સ્ટાફના માણસોને મંગળવારે મળેલ બાતમીના આધારે સાંજે રાણીઆંબા ગામના રેલ્વે ફાટક પાસે વોચ ગોઠવી હતી. દરમિયાન એક નંબર વગરની મોપેડ ગાડીને રોકી મોપેડ ચાલકની પૂછ પરછ કરતા તેણે પોતાનું નામ અનીકેતભાઈ અજયભાઈ કાબળે અને પાછળ બેસેલા બીજા ઇસમે પોતાનું નામ નીરજભાઈ દિલીપભાઈ ગામીત બંને રહે, હાથી ફળિયું-સોનગઢ ના હોવાનું જણાવ્યું હતું.

 

 

 

 

પોલીસની તપાસ મોપેડ ગાડીની આગળ એક મીણીયા કોથળામાં તથા ગાડીની ડીકીમાંથી વિદેશીદારૂની કુલ બાટલીઓ નંગ-144 મળી આવી હતી. વિદેશીદારૂની બાટલીઓ ખાંજર ગામના ભીલ ફળીયામાં રહેતો મગનભાઈ દાજીભાઈ ગામીતે ભરી આપ્યો હોવાનું પોલીસ તપાસમાં જાણવા મળ્યું હતું. જેને વોન્ટેડ જાહેર કરવામાં આવ્યો છે.

 

 

 

 

બનાવ અંગે પોલીસ કોન્સ્ટેબલ દીપકભાઈની ફરિયાદના આધારે પકડાયેલા યુવકો પાસેથી મળી આવેલ રૂપિયા 1 હજારની કિંમતના 2 મોબાઈલ ફોન, 7,200/-રૂપિયાનો વિદેશીદારૂ, 50 હજારની મોપેડ ગાડી સહિતનો મુદ્દામાલ કબજે કરી ત્રણેય આરોપીઓ સામે ગુનો દાખલ કરવામાં આવ્યો હતો.