તાપી જીલ્લા એલસીબી પોલીસ સ્ટાફના માણસોને મળેલ બાતમીના આધારે આજરોજ સોનગઢ તાલુકાના મેઢા ગામ પાસે વોચ ગોઠવી હતી તે દરમિયાન એક હીરો સ્પ્લેન્ડર બાઈક નંબર જીજે/26/એસ/1977 ને ઝડપી પાડી હતી.

 

 

તપાસ દરમિયાન બાઈક ઉપર સવાર જીવાભાઈ મલાજીભાઈ ગામીત અને દિલીપભાઈ શાંતિલાલ ગામીત બંને રહે. લવચાલી ગામ,ઉપલું ફળિયું તા.સોનગઢ નાઓના પાસેથી અલગ અલગ બ્રાંડનો ભારતીય બનાવટની ઈંગ્લીશદારૂની કુલ બાટલીઓ નંગ 52 જેની કિંમત રૂપિયા 6,800/- નો દારૂ મળી આવ્યો હતો. પકડાયેલા બંને આરોપીઓની વધુ પૂછપરછમાં ઉમેશભાઈ નાગેશભાઈ ગામીત રહે, લવચાલી ગામ,ઉપલું ફળિયું તા.સોનગઢ નાએ દારૂ ભરાવી આપી મંગાવ્યો હોવાનું જાણવા મળ્યું હતું.

 

 

બનાવ અંગે હેડ કોન્સ્ટેબલ લેબજીભાઈ પરબતજીભાઈની ફરિયાદના આધારે બાઈક જેની કિંમત રૂપિયા 20 હજાર આરોપીઓ પાસેથી મળી આવેલ એક મોબાઈલ ફોન જેની કિંમત રૂપિયા 5 હજાર તેમજ અંગ ઝડતી દરમિયાન મળી આવેલ રોકડ રૂપિયા 780/- મળી કુલ રૂપિયા 32,580/- નો મુદ્દામાલ કબજે કરી આરોપીઓ વિરુધ્ધ સોનગઢ પોલીસ મથકે ગુનો દાખલ કરી એક જણાને વોન્ટેડ જાહેર કરવામાં આવ્યો હતો.