સોનગઢના એક ગ્રામ્ય વિસ્તારમાં એક નરાધમ યુવકે 7 વર્ષીય બાળકીને ઉપાડી લઈ જઈ તેની સાથે દુષ્કર્મ આચર્યું હતું.જોકે અચાનક બાળકીનો રડવાનો અવાજ આવતા પરિવારજનોએ બાળકીને પૂછતા સમગ્ર હકીકત જણાવી હતી.જે બાદ બાળકીને સારવાર અર્થે  હોસ્પિટલ ખાતે સારવાર અર્થે ખસેડવામાં આવી હતી. જ્યાં હાલ બાળકીની સારવાર ચાલી રહી છે.

આ સમગ્ર કેસની તપાસ તાપી લોકલ ક્રાઈમ બ્રાન્ચને સોંપવામાં આવતા  ક્રાઈમ બ્રાન્ચના પીઆઈ અને તેમનો સ્ટાફ હેડ કોન્સ્ટેબલ અનિરુધ્ધસિંહ અને જગદીશભાઈ જોરારામભાઈ તેમજ કોન્સ્ટેબલ રાહુલભાઈએ ગણતરીના કલાકોમાં આરોપીને શોધી કાઢ્યો હતો.

આ સમગ્ર મામલે સોનગઢના કુકડા ડુંગરી ગામે રહેતો આરોપી વિરલભાઈ રમેશભાઈ ગામીત (ઉ.વ.23) નાએ ગતરોજ નાના બંધારપાડા ગામની પ્રાથમિક શાળામાં 7 વર્ષીય બાળકીને ચોકલેટ આપવાના બહાને લઇ જઈ દુષ્કર્મ આચર્યું હતું. દુષ્કર્મ આચરનાર આરોપી વિરલભાઈ ગામીત પરણિત છે અને એક બાળકીનો પિતા છે.સોનગઢ પોલીસે પરિવારનાં નિવેદનનાં આધારે દુષ્કર્મની ફરિયાદ નોંધી તપાસ હાથ ધરતા જિલ્લા લોકલ ક્રાઈમ બ્રાંચે ગુન્હાની ગંભીરતા સમજી ગણતરીના કલાકોમાં આરોપી વિરલભાઈ ગામીતને ઝડપી પાડી કાયદેસરની કાર્યવાહી હાથ ધરી છે.(1:32)