સોનગઢના મેઢસિંગી ગામના વિસ્તારમાં આવેલ ઝાડી ઝાંખરામાં ઈંગ્લીશદારૂનો જથ્થો સગેવગે કરતા પોલીસે દરોડા પાડી દારૂનો જથ્થો ઝડપી પાડ્યો હતો, જોકે પોલીસને જોઈ જતા આરોપી નાશી છુટ્યો હતો.

મળતી માહિતી મુજબ સોનગઢ પોલીસ સ્ટાફના માણસોને મળેલ બાતમીના આધારે તા.૨૭મી મે ની રાત્રે સોનગઢ તાલુકાના મેઢસિંગી ગામના સેવન્થ ડે એડવેન્ટીસ્ટ ચર્ચ તરફ જતા રોડની બાજુમાં આવેલ ઝાડી ઝાંખરામાથી ઈંગ્લીશદારૂનો જથ્થો સગેવગે કરતા જતીનભાઈ શુકરિયાભાઈ ગામીત રહે, મેઢસિંગી ગામ તા.સોનગઢ નાનો હોવાનું ગાડીના લાઈટના અજવાળે ઓળખાઈ ગયો હતો.

જોકે પોલીસ સ્ટાફના માણસોને જોઈ જતા જતીનભાઈ ગામીત નામનો શખ્સ ખાખરાના ઝાડી ઝાંખરામાંથી પોલીસને ચકમો આપી નાશી છૂટ્યો હતો, પોલીસ સ્ટાફના માણસોએ ઝાડી ઝાંખરામા તપાસ કરતા ઈંગ્લીશદારૂની કુલ બાટલીઓ નંગ-૫૨૩ જેની કિંમત રૂપિયા ૩૧,૮૦૦/-નો સગેવગે કરાતો ઈંગ્લીશદારુનો જથ્થો મળી આવ્યો હતો.આ બનાવમાં પોલીસકર્મીની ફરિયાદના આધારે ઈંગ્લીશદારૂનો મુદ્દામાલ કબજે કરી ફરાર આરોપી જતીનભાઈ શુકરિયાભાઈ ગામીત વિરુદ્ધ સોનગઢ પોલીસ મથકે ગુનો નોંધવામાં આવ્યો હતો.