પતી-પત્ની વચ્ચે થતી સામાન્ય બોલાચાલી કઈ ઘડીએ વિકરાળ સ્વરૂપ ધારણ કરી લઈ છે. તે કોઈ નથી જાણતું. આવો જ એક બનાવ સોનગઢ પોલીસ મથકે નોંધાયો છે. જેમાં ઘર કામકાજ બાબતે પતી-પત્ની વચ્ચે બોલાચાલી થયા બાદ પત્નીએ ફોરેટ નામની દવા ગટગટાવી લેતા તેનું સારવાર દરમિયાન મોત નીપજ્યું હતું.

પોલીસ સુત્રો પાસેથી મળતી માહિતી અનુસાર સોનગઢ તાલુકાના બેડવાણ ખડકા ગામના આંગણવાડી ફળીયામાં રહેતા વિકેશભાઈ ભરતભાઈ ગામીત (ઉ.વ.30) અને તેમની પત્ની સંજીનાબેન વિકેશભાઈ ગામીત (ઉ.વ.26) બંને પતી-પત્ની વચ્ચે ઘર કામકાજ બાબતે બોલાચાલી થતા પત્ની સંજીનાબેન ગામીતે ગુસ્સામાં આવી જઈ તેના પતી વિકેશભાઈની ગેરહાજરીમાં ઘરમાં પડેલ ફોરેટ નામની દવા પી જવાના કારણે સંજીનાબેન નું જનરલ હોસ્પિટલ વ્યારા ખાતે સારવાર દરમિયાન મોત નીપજ્યું હતું,

બનાવ અંગે વિકેશભાઈ ભરતભાઈ ગામીતની ફરિયાદના આધારે સોનગઢ પોલીસ મથકે આજરોજ બનાવ દાખલ કરી આગળની વધુ તપાસ હેડકોન્સ્ટેબલ સતીષભાઈ નાનસિંગભાઈ કરી રહ્યા છે.(ફાઈલ ફોટો)