સોનગઢના ગુણસદા ગામ નજીક વાંકડિયા પુલ પાસે એક બાઈક ચાલકે બે રાહદારીઓને અડફેટ માં લેતા એક વ્યક્તિની મોત નીપજ્યું હતું, જોકે બાઈક પાછળ બેસેલ વ્યક્તિને પણ ઈજા પહોંચી હોવાની ફરિયાદ પોલીસ મથકે નોંધાઈ છે,

મળતી માહિતી અનુસાર સોનગઢ તાલુકાના ગુણસદા નજીક આવેલ વાંકડિયા પુલ પાસે બિપીનભાઈ બાબુભાઈ પંચાલ અને જયેશભાઈ ભીમસિંગભાઈ ચૌધરી બંને રહે, ઇન્દુગામ,જલારામ સોસાયટી,તા.વ્યારા નાઓ સીપીએમ થી સોનગઢ ખાતે ચાલતા આવવા માટે નીકળ્યા હતા તે દરમિયાન એક ત્રીપ્પલ સવારી યામાહા મોટર સાયકલ નંબર જીજે/26/એમ/2153 નો ચાલક રવીન્દ્રભાઈ બીપીનભાઈ ગામીત રહે, વડદા ગામ તા.સોનગઢ નાએ પોતાના કબજાની મોટર સાયકલ પુર ઝડપે અને ગફલત ભરી રીતે હંકારી લઇ આવી જયેશભાઈ ચૌધરી ને પાછળથી અડફેટમાં લઈ એકસીડન્ટ કરતા જયેશભાઈ ને શરીરે ઈજાઓ પહોચતા મોત નીપજ્યું હતું.

એકસીડન્ટ કરી યામાહા બાઈક સ્થળ પર મૂકી તેનો ચાલક રવીન્દ્રભાઈ ગામીત અને અન્ય એક ઇસમ નાશી છુટ્યો હતો જોકે, બાઈક પાછળ  બેસેલ ત્રીજો ઇસમ ગોવિંદભાઈ નમાભાઈ ગામીત રહે,વડદા ગામ તા.સોનગઢ નાને માથાના ભાગે તથા આંખોના ભાગે ઈજા પહોંચતાન સારવાર અર્થે ખસેડવામાં આવ્યો હતો. બનાવ અંગે બિપીનભાઈ પંચાલની ફરિયાદના આધારે યામાહા બાઈક ના ચાલક વિરુધ્ધ ઉકાઈ પોલીસ મથકે ગુનો નોંધવામાં આવ્યો છે,