સોનગઢના નીંદવાડા ગામે વીજ કરંટ લાગતા ૪૦ વર્ષીય શખ્સનું મોત નિપજ્યું હોવાનો બનાવ પોલીસ મથકે નોંધાયો છે.

પોલીસ સુત્રો પાસેથી મળતી માહિતી મુજબ સોનગઢ તાલુકાના નીંદવાડા ગામની સીમમાં ઇલેક્ટ્રિક થાંભલા પાસે તા.૦૮/૦૩/૨૦૨૩ નારોજ સવારે આશરે ૧૦ કલાકે ગામના નિશાળ ફળીયામાં રહેતો દિલીપભાઈ સાતલિયાભાઈ વસાવા (ઉ.વ.૪૦) નાનો છેલ્લા બે-એક માસથી અસ્થિર મગજના જેવો થઇ ગયેલ હોય, તેઓની દાદી પાચતીબેન નાઓ મરણ ગયેલ હોય ત્યાં મયતમાં ગયા હતો. તે દરમિયાન ઘરથી થોડેદુર ખેતરમાં ઇલેક્ટ્રિક થાંભલા પાસે આવતા અથવા થાંભલા ઉપર ચઢવાથી દિલીપભાઈ વસાવાને કરંટ લાગતા મોત નિપજ્યું હતું. બનાવ અંગે મૃતકની પત્ની રંજીતાબેન દિલીપભાઈ વસાવાએ પોલીસ મથકે જાણ કરી હોવાનું જાણવા મળ્યું છે.