સોનગઢના વેલઝર ગામના ચાર રસ્તા પાસેથી શિશોર ગામ તરફ જતા રોડ પરથી એક કારમાં લઇ જવાતો ઈંગ્લીશદારૂના જથ્થા સાથે જિલ્લા પ્રોહી સ્કોડની ટીમે એક કાર ચાલકને ઝડપી પાડ્યા હતો જોકે દારૂ મંગાવનાર એક શખ્સને વોન્ટેડ જાહેર કરવામાં આવ્યો છે.

મળતી માહિતી મુજબ સોનગઢ પ્રોહી સ્કોડની ટીમ શનિવાર નારોજ પેટ્રોલીંગમાં હતી તે દરમિયાન સ્ટાફના માણસોને મળેલ બાતમીના આધારે સોનગઢ તાલુકાના વેલઝર ગામના ચાર રસ્તા પાસેથી શિશોર ગામ તરફ જતા રોડ પરથી એક સ્વીફ્ટ ફોર વ્હીલ ગાડી અટકાવી તેમાં તપાસ કરતા ગાડીમાંથી ભારતીય બનાવટનો ઈંગ્લીશદારૂની કુલ બાટલીઓ નંગ ૧૯૨ જેની કિંમત રૂપિયા ૨૨,૮૦૦/-નો પ્રોહી મુદ્દામાલ મળી આવ્યો હતો.

કાર ચાલકનું નામઠામ પૂછતા તેણે પોતાનું નામ મનુભાઈ ઈશ્વરભાઈ દેસાઈ હાલ રહે, સાંઈ ટાઉનશીપ, સ્ટેશન રોડ સુનીલભાઈના ભાડાના મકાનમાં-સોનગઢ મૂળ રહે,હીરાવાડી દેસાઈવાસ- પાટણ નાનો હોવાનું જણાવ્યું હતું. જયારે પીન્ટુ ચૌધરી રહે,ગવાસી તા.માંડવી-સુરત નાએ દારૂનો જથ્થો મંગાવ્યો હોવાનું પોલીસ તપાસમાં જાણવા મળ્યું હતું બાદમાં જેને વોન્ટેડ જાહેર કરવામાં આવ્યો છે.

બનાવ અંગે જિલ્લા પ્રોહી સ્કોડમાં ફરજ બજાવતા પોલીસ કોન્સ્ટેબલ જયેશભાઈ બલીરામની ફરિયાદના આધારે પકડાયેલા આરોપી પાસેથી મળી આવેલ રૂ.૨૨,૮૦૦/-નો ઈંગ્લીશદારૂ, રૂ.૫૦૦/-નો એક મોબાઈલ ફોન અને રૂ.૫ લાખની કાર મળી કુલ રૂપિયા ૫,૨૩,૩૦૦/- નો મુદ્દામાલ કબજે કાયદેસરની કાર્યવાહી હાથ ધરવામાં આવી હતી.