મનિષા એસ.સુર્યવંશી / તાપી : સોનગઢ તાલુકાના ઓઝર ગામના માર્ગે આજરોજ સવારે ગેરકાયદેસર રીતે ભેંસો ભરી લઇ જતો એક ટેમ્પો ગૌ રક્ષકોએ ઝડપી પાડ્યો હતો, જે બાદ ગૌ રક્ષકોએ પોલીસને જાણ કરતા સોનગઢ પોલીસને વર્દી મળી જતી, બનાવ સ્થળ પર પહોંચેલી પોલીસે તપાસ હાથ ધરતા પીકઅપ ટેમ્પો નંબર જીજે/૨૬/ટી/૪૨૪૬માં ચાર ભેંસો ટૂંકી દોરી વડે બાંધી,ખીચોખીચ રીતે ભરેલ હાલતમાં મળી આવી હતી,જેને ખાવા માટે કોઈ ઘાસચારો કે પીવાના પાણીની વ્યવસ્થા વિના રાજ્ય બહાર લઇ જતા હોવાનું જાણવા મળ્યું હતું.

જોકે આરોપીઓ નાશી જવામાં સફળ રહ્યા હતા,બનાવ અંગે પોલીસકર્મી ગુલાબસિંગભાઈની ફરિયાદના આધારે ટેમ્પો અને ભેંસો મળી કુલ રૂપિયા ૩,૧૮,૦૦૦/-નો મુદ્દામાલ કબજે કરી ટેમ્પો ચાલક વિરુદ્ધ ગુનો નોંધી આગળની વધુ તપાસ હાથ ધરવામાં આવી છે.