તાપી જીલ્લા એલસીબી પોલીસ ને મળેલ બાતમીના આધારે સોનગઢ તાલુકાના પોખરણ ગામના ત્રણ રસ્તા પાસે નેશનલ હાઇવે નંબર 53 ઉપરથી રાવજીભાઈ ભીખાભાઈ રોત (ઉ.વ.22) રહે, મહાવીર ટર્નીંગ,ઝૂપડપટ્ટી, અંકલેશ્વર જી. ભરૂચ નાને મોટર સાયકલ નંબર જીજે/16/સીએ/4971 ને ઝડપી પાડી તપાસ કરતા એક કાળા કલરના થેલામાંથી ઈંગ્લીશ દારૂ વિસ્કી ની કુલ બોટલ નંગ 10 જેની કિંમત રૂપિયા 7,000/- નો દારૂ મળી આવ્યો હતો.

આ બનાવમાં બાઈક ચાલક રાવજીભાઈ રોત ની અટક કરી તેની અંગ ઝડતી દરમિયાન રોકડ રૂપિયા 4,190/- તથા એક મોબાઈલ ફોન જેની કિંમત રૂપિયા 25,00/- તથા મોટર સાયકલની કિંમત રૂપિયા 35,000/- મળી કુલ રૂપિયા 48,690/- નો મુદ્દામાલ કબજે કરવામાં આવ્યો હતો, આરોપીની પૂછપરછ કરતા હીરા વાઈન શોપ નંદુરબાર નો કોઈ અજાણ્યા ઇસમે દારૂ ભરી આપ્યો હોવાનું જાણવા મળ્યું હતું. બનાવ અંગે હેડકોન્સ્ટેબલ જયેશભાઈ ની ફરિયાદના આધારે રાવજીભાઈ રોત વિરુધ્ધ સોનગઢ પોલીસ મથકે ગુનો દાખલ કરી એક જણા ને વોન્ટેડ જાહેર કરવામાં આવ્યો છે,