સોનગઢ ના ચાંપવાડી ગામના રસ્તા પરથી એક સાથે બે એકટીવા મોપેડ ગાડી સાથે દારૂની કુલ 48 બાટલીઓ સાથે બે ઇસમોને ઝડપી પાડવામાં આવ્યા હતા.

 

 

 

મળતી માહિતી અનુસાર સોનગઢ તાલુકાના ચાંપવાડી ગામથી સોનગઢ તરફ જતા રસ્તા પરથી સવાર ના આશરે 7:30 કલાકના અરસામાં એકટીવા ગાડી નંબર જીજે/19/એએસ/1018 અને જીજે/26/એસ/1900 ઉપર દારૂની હેરાફેરી કરતા (1) રીકુલકુમાર મહેશભાઈ ચૌધરી મૂળ રહે, હળવદ આંબાવાડી તા.મહુવા જી.સુરત હાલ રહે,તાડ ફળિયું, અંધાત્રી ગામ,તા.મહુવા જી.સુરત (2) યસકુમાર અશોકભાઈ ચૌધરી રહે,અંધાત્રી ગામ, દુકાન ફળિયું તા.મહુવા જી.સુરત) બંને એકટીવા ચાલકોને ઝડપી પાડી તપાસ કરતા તેઓના કબજામાંથી ભારતીય બનાવટનો વિદેશીદારૂ, મહારાષ્ટ્ર બનાવટ નો ટીન બીયર તથા દેશી દારૂ ટેન્ગો પંચ કંપનીની કુલ બોટલો નંગ 48 જેની કિંમત રૂપિયા 48,00/- નો દારૂ મળી આવ્યો હતો.

 

 

આ બનાવ માં પોલીસ કોન્સ્ટેબલ વિક્રમભાઈ પ્રેમાભાઈ ની ફરિયાદના આધારે પકડાયેલા બંને આરોપીઓ વિરુધ્ધ ગુનો દાખલ કરી 20-20 હજારની કિંમતની 2 એકટીવા ગાડી અને દારૂ મળી કુલ રૂપિયા 44,800/- નો મુદ્દામાલ કબજે કરવામાં આવ્યો હતો.