સોનગઢનાં વિરથવા ગામમાંથી પસાર થતી ગીરા નદીના પુલ પાસે એક અજાણ્યા ઈસમનો મૃતદેહ મળી આવતા પોલીસ દ્વારા તપાસ હાથ ધરવામાં આવી છે.

મળતી માહિતી અનુસાર, તા.19મી ફેબ્રુઆરીનાં રોજ સોનગઢ તાલુકાનાં વિરથવા ગામનાં નિશાળ ફળિયામાંથી પસાર થતી ગીરા નદીના પુલ પહેલા ડીવાઇડર પાસે યોગેશભાઇ કુંવરજીભાઇ ગામીતને એક અજાણ્યા ઈસમનો મૃતદેહ નજરે પાડ્યો હતો. આ અજાણ્યા પુરૂષની ઉંમર આશરે 45 થી 50 વર્ષ, મૃતદેહનો શરીરનો બાંધો મજબુત, રંગે શ્યામ વર્ણનો, માથે કાળાસફેદ વાળ, આખી દાઢી-મૂંછ વાળો અને શરીરે ગ્રે-કલરનો જેકેટ, પટ્ટાવાળુ શર્ટ અને કમરે કાળા કલરનું પેન્ટ પહેરેલ હતું. બનવાની જાણ યોગેશભાઈ એ પોલીસને કરતા પોલીસે સ્થળ પર પહોંચી અકસ્માત મોત બનાવ દાખલ કરી આગળની વધુ કાર્યવાહી હાથ ધરી હતી.