સુરત જિલ્લાના માંગરોળના સાવા ગામે નવાપરા ફળિયામાં રહેતો ૨૦ વર્ષીય વિપુલ મુકેશભાઇ વસાવાને તેના પિતાએ કામ કરવા બાબતે ઠપકો આપ્યો હતો. પુત્રને ખોટું લાગી આવતા તેણે ઘરમાં ઝેરી દવા ગટગટાવી લઇ લીધી હતી. પરિવારજનોએ વિપુલને સારવાર અર્થે નજીકનાં સારવાર કેન્દ્ર પર ખસેડયો હતો. પરંતુ જ્યાં ટૂંકી સારવાર બાદ ફરજ પરના ડોક્ટરોએ વિપુલને મૃત ઘોષિત કર્યો હતો. બનાવ અંગે કોસંબા પોલીસે ગુનો નોંધી આગળની કાર્યવાહી હાથ ધરી હતી.