દુનિયાભરમાં નવા વર્ષની ઉજવણીનો પ્રારંભ થઈ ચુક્યો છે. ક્યાંક પ્રતિબંધો વચ્ચે તો ક્યાંક થોડી છૂટછાટો વચ્ચે નવા વર્ષને લોકો આવકારી રહ્યાં છે. કોરોના મહામારી માટે યાદ રહેનારા વર્ષ 2020ને અલવિદા કહી 2021માં મહામારીથી છૂટકારો મળે તેવી લોકો પ્રાર્થના કરી રહ્યાં છે.

સમગ્ર વિશ્વના કેટલાંક દેશોમાં વર્ષ 2021ની શરૂઆત થઈ ચુકી છે. સૌથી પહેલાં ન્યૂઝિલેન્ડમાં નવા વર્ષનો આગાઝ થયો. આ પ્રસંગે લોકોએ આતશબાજી કરી નવા વર્ષનું સ્વાગત કર્યું. જે બાદ ઓસ્ટ્રેલિયામાં પણ નવા વર્ષના શુભારંભની ઉજવણી કરી લોકોએ ભારે હર્ષોલ્લાસપૂર્વક વર્ષ 2021નું સ્વાગત કર્યું.

ભારતમાં નવા વર્ષના સ્વાગત માટે રાત્રીના 12 વાગ્યાની કાગડોળે રાહ જોવામાં આવી રહી છે. અહીં નવી દિલ્હી સ્થિત નોર્થ બ્લોક અને સાઉથ બ્લોકને નવવધુની જેમ શણગારવામાં આવ્યા છે. જ્યારે ગોવાના મીરામાર બીચ પર સુર્યાસ્તની સેલ્ફી લેવા લોકો ઉમટી પડ્યા હતા.