ઓલપાડનાં અટોદરા ગામે જાહેરમાં જુગાર રમતા છ જુગારીઓને રૂપિયા ૧૯,૦૦૦/-નાં મુદ્દામાલ સાથે ઝડપી પાડ્યા હતા. સુત્રો પાસેથી મળતી માહિતી મુજબ, ઓલપાડ પોલીસ સ્ટાફના માણસો તારીખ ૨૮/૧૦/૨૦૨૪નાં રોજ સાંજે પેટ્રોલિંગમાં હતા. તે દરમિયાન બાતમી મળી હતી કે, અટોદરા ગામે નવી કોલોનીમાં કેટલાક શખ્સો તીનપત્તીનો જુગાર રમી રહ્યા હોવાની બાતમી મળતા રેડ પાડી હતી. આમ, પોલીસે જુગાર સ્થળેથી વિશ્વકર્મા સિદ્ધનાથ પાસવાન (રહે.શબનમ કોલોની, કરમલા), રાકેશ શ્રીરામદુલારે ગુપ્તા (રહે.૧૧૫, ગૃહમ એક્ઝોટીકા, કરમલા), મનોજ મહેન્દ્રભાઈ સુરતી (રહે.જૂના હળપતિવાસ, સોંદામીઠા), દિલીપ સુકલાલ મહુસ્કર (રહે.સ્કાય લાઈન સોસાયટી, અટોદરા), નીતીશ જુગેનદર ચૌધરી (રહે.પટેલ કોમ્પ્લેક્સ, અટોદરા) અને ઈમરાન ગુલામ શેખ (રહે.નવી કોલોની, અટોદરા) મળી કુલ ૬ જુગારીઓને ઝડપી પાડ્યા હતા. પોલીસે જુગાર સ્થળેથી આરોપીઓએ દાવ પર લગાવેલા રોકડા રૂપિયા ૫,૦૦૦/-, અંગઝડતીનાં રોકડા રૂપિયા ૯,૦૦૦/- તથા એક નંગ મોબાઇલ મળી કુલ રૂપિયા ૧૯,૦૦૦/-નો મુદ્દામાલ કબ્જે લીધો હતો.