સુરતનાં કતારગામ વડલા સર્કલ પાસે બસ પાર્કીંગની જગ્યામાં જુગાર રમતા વૃદ્ધ પાર્કીંગ સંચાલક સહિત છ’ને ઝડપી પાડી તેમની પાસેથી રોકડા રૂપિયા 2.41 લાખ, 6 નંગ મોબાઈલ મળી કુલ રૂપિયા 2.89 લાખનો મુદ્દામાલ કબ્જે કર્યો હતો. સુત્રો પાસેથી મળતી માહિતી મુજબ, ગત બપોરનાં રોજ કતારગામ વડલા સર્કલ પાસે આમંત્રણ રેસ્ટોરન્ટની બાજુની ગલીમાં આવેલા રાજુભાઈ ગજેરાનાં પતરાવાળી શેડવાળી બસ પાર્કીંગની જગ્યામાં રેઈડ કરતા ત્યાં ખુલ્લી જગ્યામાં જુગાર રમતા છ વૃદ્ધ અને આધેડ મળ્યા હતા. ક્રાઈમ બ્રાન્ચે બસ પાર્કીંગ સંચાલક રાજેશભાઈ ઉર્ફે રાજુભાઈ ગોપાલભાઈ ગજેરા ( ઉ.વ.62, રહે.202, સાંત્વન હાઈટસ, હાથી મંદિરની સામે, કતારગામ, સુરત) સહિત છ’ને જુગાર રમતા ઝડપી પાડી તેમની પાસેથી રોકડા રૂપિયા અને 6 નંગ મોબાઈલ મળી કુલ રૂપિયા 2,89,300/-નો મુદ્દામાલ કબ્જે કરી ગુનો નોંધી તપાસ હાથ ધરી હતી.

જુગાર રમતા ઝડપાયેલ જુગારીઓ...

1.બસ પાર્કીંગ સંચાલક રાજેશભાઈ ઉર્ફે રાજુભાઈ ગોપાલભાઈ ગજેરા (રહે.કતારગામ, સુરત),

2.બિલ્ડર રમેશભાઈ દામજીભાઈ પટેલ (રહે.કતારગામ,સુરત),

3.હીરાદલાલ અમકુભાઇ ભગુભાઇ ખાચર (રહે.વરાછા, સુરત),

4.ડ્રાઈવર રાજેશભાઇ સામંતભાઇ ભોગેસરા (રહે.કુતિયાણા, જિ.પોરબંદર),

5.નિવૃત્ત વલ્લશભભાઇ નારણદાસ પટેલ (રહે.કતારગામ, સુરત) અને

6.નિવૃત્ત મનસુખભાઇ મોહનભાઇ પટેલ (રહે.વેડરોડ, સુરત).