એક સાથે લોકસભા અને વિધાનસભા ચૂંટણી કરાવવા માટેના બે બિલની સમીક્ષા માટે રચનારી સંસદીય સમિતિમાં કોંગ્રેસના પ્રતિનિધિ તરીકે પ્રિયંકા ગાંધી વાડ્રા અને મનિષ તિવારીની પસંદગી કરવામાં આવી છે. તૃણમુલ કોંગ્રેસના પ્રતિનિધિ તરીકે કલ્યાણ બેનર્જી અને ડીએમકેનાં પ્રતિનિધિ તરીકે ટી એમ સેલ્વાગણપતિને સામેલ કરવામાં આવ્યા છે. જોઇન્ટ કમિટી ઓફ પાર્લામેન્ટ (જેપીસી)માં સૌથી વધુ સભ્યો ભાજપના છે.

ભાજપના પી.પી.ચૌધરી અને અનુરાગ ઠાકુરને આ સમિતિના સભ્યો બનાવવામાં આવ્યા છે. સૂત્રોના જણાવ્યા અનુસાર આ સમિતિમાં લોકસભાના ૨૧ અને રાજ્યસભાના ૧૦ સાંસદોને સામેલ કરવામાં આવ્યા છે. શિવસેનાના શ્રીકાંત શિંદે અને  સપાના ધર્મેન્દ્ર યાદવને પણ સ્થાન આપવામાં આવ્યું છે. કોંગ્રેસની પસંદગીના અન્ય નામોમાં સુખદેવ ભગતનો પણ સમાવેશ થાય છે. સૂત્રોના જણાવ્યા અનુસાર ભાજપના પી પી ચૌધરને આ સમિતિની અધ્યક્ષ બનાવવામાં આવ્યા છે. લોકસભા અને રાજ્યસભામાં ભાજપના સૌથી વધુ સાંસદો હોવાથી જેપીસીમાં તેનું પ્રતિનિધિત્ત્વ સૌથી વધુ છે.