જૂનાગઢનાં માળિયા હાટીનાં વિસ્તારમાં બે કાર વચ્ચે ટક્કર થતા સાત લોકોનાં મોત થયા છે. આ અકસ્માતમાં એક કારના ગેસ સિલિન્ડરમાં વિસ્ફોટ થવાથી નજીકના ઝૂંપડાઓમાં પણ આગ લાગી હતી.

બનાવની વિગત એવી છે કે, મળતી માહિતી અનુસાર માળિયા હાટીના પાસે ભંડુરી પાસે બે કાર વચ્ચે અકસ્માત સર્જાતા સાત લોકોનાં મોત નિપજ્યા છે. અકસ્માત સર્જાતા પોલીસ અને એમ્બ્યુલન્સ સહિતનો કાફલો ઘટના સ્થળે પહોંચી ગયો હતો. હાલમાં મળી રહેલ માહિતી મુજબ, માળિયા હાટીનાં ભંડુરી પાસે બે કાર વચ્ચે ગમખ્વાર અકસ્માત સર્જાયો છે. જેમાં પાંચ વિદ્યાર્થીઓ સહિત સાત લોકોનાં મોત થયા હોવાનું સૂત્રોના હવાલેથી જાણવા મળ્યું છે. વિદ્યાર્થીઓ પરીક્ષા આપવા જઇ રહ્યા હતા તે દરમિયાન અકસ્માત સર્જાયો હતો. અકસ્માત એટલો ભયંકર હતો કે, કાર સળગી ગઇ હતી અને ગેસનો બાટલામાં બ્લાસ્ટ થયો હતો. જેના લીધે બાજુમાં રહેલા ઝૂંપડામાં પણ આગ લાગી હતી. અકસ્માતની જાણ થતાં જ ફાયર વિભાગ અને પોલીસ કાફલો ઘટનાસ્થળે પહોંચ્યો છે અને બચાવ કામગીરી હાથ ધરી હતી.