સુરત જિલ્લાના કામરેજ ગામે મકાનમાં જુગાર રમી રહેલી ૬ મહિલા અને ૧ ઇસમને ઝડપી પાડયાં હતાં. મળતી માહિતી મુજબ, કામરેજ ગામની સીમમાં શગુનલીવીનો સોસાયટીમાં આવેલી બિલ્ડિંગ બી-૪૦૩માં કેટલીક મહિલાઓ અને ઈસમો ગભરૂભાઈ અર્જુનભાઇ દેસાઇના ભાડાના મકાનમાં પાનાપત્તાથી જુગાર રમી રહ્યા હોવાની કામરેજ પોલીસને બાતમી મળી હતી. જેથી પોલીસે આ ફ્લેટમાં છાપો મારી ૭ જુગારીઓને આબાદ ઝડપી પાડયા હતા.

આમ, પોલીસે બનાવના સ્થળેથી ૨૭ હજાર રોકડા, ૨૦ હજાર કિંમતના ૬ મોબાઇલ ફોન મળી કુલ ૪૭ હજારનો મુદ્દામાલ કબજે કર્યો હતો. પોલીસે જુગાર રમતા મીનાબેન ભાર્ગવભાઈ કવા (હાલ રહે. શગુનલીવીનો સોસાયટી બિલ્ડિંગ નં.બી-૪૦૩, ગભરૂભાઈ અર્જુનભાઈ દેસાઈના ભાડાના મકાનમાં તા.કામરેજ, મૂળ રહે. ગાંગડા ગામ, જિ. ગીર સોમનાથ, જિતેન્દ્ર હંસરાજ ખીરસડીયા (હાલ રહે.પરીયા ગામ, તા. ઓલપાડ, મૂળ રહે. ગુન્દા ગામ, જિ. દેવભૂમિ દ્વારકા), નયનાબેન મુકેશભાઈ સાવલીયા (હાલ રહે.પાસોદરા પાટિયા, તા.કામરેજ- મૂળ રહે. ચેકપીપલીયા, જિ. અમરેલી), અંજુબેન રમેશભાઈ અમીપરા (હાલ રહે.વેલંજા ગામ, તા. કામરેજ- મૂળ રહે. કાલસાડી, જિ. જૂનાગઢ), કલાવતીબેન રવિભાઈ સાવલિયા (હાલ રહે.કોસાડ રોડ, અમરોલી, સુરત- મૂળ રહે. કેશોદ, જિ. જૂનાગઢ), જસુબેન વજુભાઈ કોરડિયા (હાલ રહે. પાસોદરા, તા. કામરેજ- મૂળ રહે. પ્રેમપરા ગામ, જિ. જૂનાગઢ), જ્યોસનાબેન અરવિંદભાઈ મોરપરા (હાલ રહે.મોટા વરાછા, સુરત- મૂળ રહે.થોવડી, જિ.અમરેલી)ની ધરપકડ કરી આગળની કાર્યવાહી હાથ ધરી હતી.