સેલવાસનાં નરોલી ખાતે આવેલ ભીલોસા ઇન્ડસ્ટ્રીઝ પ્રા.લી.કંપનીમાં નોકરી કરતો અને કિલવણી નાકા પાસે ચૈતન્ય હોસ્પિટલની બાજુમાં રહેતો અનિલકુમાર દુર્ગા યાદવ (ઉ.વ.29) જે ગતરોજ રાબેતા મુજબ કંપનીમાં સવારે 9.15 વાગે અનિલ કંપનીમાં એફ.વાય.ઓટો વેરહાઉસ ગોડાઉનમાં સીડી ઉપર ચઢી કામ કરી રહ્યા હતા. તે સમયે આશરે 40 ફુટ ઉપરથી પગ લપસી જતા તે જમીન ઉપર પટકાયો હતો અને માથા તેમજ શરીરે ગંભીર ઇજા પહોંચતા બેભાન હાલતમાં તે વાપીની હરિયા હોસ્પિટલમાં ખસેડાયો હતો. જ્યાં સારવાર દરમિયાન બપોરે તેનું મોત નીપજ્યું હતું. બનાવ અંગે મૃતકના નાના ભાઇએ વાપી જીઆઇડીસી પોલીસ મથકમાં જાણ કરી હતી.