તાપી જીલ્લામાં વધુ 2 વ્યક્તિઓ કોરોનાની ચપેટમાં આવ્યા છે. આ સાથે જીલ્લામાં કેસની કુલ સંખ્યા 530 પર પહોચી છે. જીલ્લામાં કોરોનાની સારવાર દરમિયાન કુલ 30 દર્દીઓના મોત નીપજ્યા છે. આજે વધુ 15 દર્દીઓ સાજા થયા અત્યાર સુધી કુલ 442 દર્દીઓ કોરોના સામે જંગ જીત્યા છે. જયારે 65 થી વધુ દર્દીઓ કોરોના સામે લડી રહ્યા છે.

તાપી જીલ્લા આરોગ્ય અધિકારી ડો.રંગુનવાલાના જણાવ્યા અનુસાર તા.21મી સપ્ટેમ્બર સોમવાર નારોજ  સોનગઢ તાલુકાના ટાપરવાડા ગામના નીચલું ફળીયામાં રહેતી 32 વર્ષીય મહિલા અને વ્યારાના કેળકુઈ ગામના ગોડાઉન ફળીયામાં રહેતો 47 વર્ષીય પુરુષનો કોરોના રીપોર્ટ પોઝીટીવ આવ્યો છે. કોરોના પોઝીટીવ દર્દીઓના સંપર્કમાં આવેલા વ્યક્તિઓને હોમ ક્વોરેન્ટાઇન કરી સર્વેની કામગીરી હાથ ધરવામાં આવી છે.

આજરોજ કોરોના વાયરસના શંકાસ્પદ દર્દીઓના 784 સેમ્પલ લેવાયા,તમામનો રીપોર્ટ પેન્ડીંગ....